تامر حسنى
المساهمات : 213
تاريخ التسجيل : 09/11/2009
 |  موضوع: أخوات تامر واهلة فى المغرب .....جرى لنا اية ؟  الإثنين نوفمبر 09, 2009 3:08 am | |
|
يا صباح اخلص واجمل ناس بتحب تامر
الناس اللى فعلا فرحت تامر لما زار المغرب وحببتة فيها اكتر واكتر
الناس اللى دلوقتى شكلهم هيخذلوا تامر
عارفين يا جماعة عيب الطيب اية ...انة بيصدق بسرعة
احنا بنصدق اى حاجة تتقالنا ونمشى وراها
ودة من حبنا لتامر
فى ناس عاملة انها مننا وبتوقعنا فى بعض
تامر عرف ان فى مشكلة حاصلة بين جمهورة فى المغرب
حد دخل جوانا وبيوقع ما بيننا
انتو مش دايما تقولوا تامر هدانا ببعض
وكل واحد بقى لة اصحاب واهل بسبب حبة لتامر
وكلنا متجمعين على حب تامر
انا بحب تامر ..وانت بتحب تامر ...بقينا اصحاب و بعد كدة قابلنا تامر وبقى صاحبنا
وعيلتنا كل يوم بتكبر عن اليوم اللى قبلة
بعد كل دة نتفرق عن بعض وننسى كل حاجة جميلة ما بيننا
لو انتو نسيتوا تامر مانساش اللى عملتوة فى المطار وفى الحفلة وكواليس الحفلة
من اول ما تامر وصل لحد ما سافر كلنا حسينا اننا لسا فى مصر
قاعدين وسط اهلنا واخواتنا وبجد كنا فرحانين اوى وعملنا حفلة من انجح حفلات تامر
علشان انتو فيها يا جمهور المغرب
احنا رابطة واحدة بنكمل بعض متجمعين فى مكان واحد
بلاش نتفرق وبلاش نضيع من بعض
بلاش نضيع فرحتنا ببعض ونكسر فرحة تامر بينا
لو واحد دخل ما بيننا وعمل انة مننا
ووقعنا فى بعض وبسببة هنخسر بعض
يبقى لازم نصحى ونخلى بالنا ونقولة لا
يا اهل المغرب انتو ليكو معزة خاصة عند تامر ..وعند كل واحد فينا
فرحتنا بيكو كبيرة اوى ومش متصورين ان كل حاجة عملتوها تتهد او تضيع
عايز اسمع خبر كويس عشان ليكو عندى مفاجاة كبيرة اوى
خاصة بيكو انتو بس .فانز واهل تامر فى المغرب
والمفاجاة دى من تامر اللى بيخاف على اخواتة وجمهورة ومابيحبش ولا بيستحمل يكون في بينكو مشاكل
عشان علاقة تامر بيكو مش فنان وجمهور ...كل اللى نفسة يشوف تامر بيشوفة
وكل اللى نفسة يتكلم معاة و يقولة اللى هو عايزة بيعمل كدة
علشان تامر بيعتبركو اخواتو زى مانتو بتعتبروة اخوكو
اللى بيننا كبير ...بلاش يضيع
ورانا حاجات كتير اوى اهم من اى خلاف حاصل دلوقتى
تامر بيتشغل وبيتعب علشانكو ..علشان يعبر عنكو ويكون معاكو دايما
وانتو كمان ماتضيعوش كل حاجة حلوة بتعملوها علشان تامر
كلنا عارفين اللى حصل ومش هينفع باى حال من الأحوال ان حد يفرقنا
كلامى دة مش منى انا بس
تامر بيسلم عليكو كلكو ...تامر خايف عليكو كلكو
تعيشى يا مغرب و يسلم كل واحد فيكى
وحشتونا يا مغاربة وانا عند كلمتى
استنوا مفاجاة تامر ليكو لما كل اللى حصل دة يتحل
عايزين نفرح ...فرحونا
| |
|
